20170215 Gospel Mk 8:22-26

When Jesus and his disciples arrived at Bethsaida, people brought to him a blind man and begged Jesus to touch him. He took the blind man by the hand and led him outside the village. Putting spittle on his eyes he laid his hands on the man and asked, "Do you see anything?" Looking up the man replied, "I see people looking like trees and walking." Then he laid hands on the man's eyes a second time and he saw clearly; his sight was restored and he could see everything distinctly. Then he sent him home and said, "Do not even go into the village."

Pamalandong:

Uno man kaha na tagdaya pa man ni Jesus an tawo na dili makakita, an buta, sa gawas para tambajon?

Dili seguro gusto ni Jesus na maestorbo an hugot na pagtuo nan buta Dija kay sa dapog nan mga tawo, duro man an dili motuo kan Lord sanan naki-asyuso ra lamang – an iban, dili man gani motuo kan Jesus.

Pagkatapos pahiran ni Jesus an mata nan buta nan luda, may na aninag na sija, pero dili pa kon klaro an mga tawo kay matud pa nija, bagan mga kahoy ra lamang kuno na nagpanaw-panaw sa ija atubangan.

Pero pagkatapos Nija pahiran sa ikaduha na beses nan luda an mata nan ini, nakakita na nan klaro an tawo, despuwes, Ija ini tagpa-uli sa ila, pero dili anay kuno sija magkadto sa village.

Ini tanan, nahitabo tungod sa dako sanan hugot na pagtuo nan buta kan Jesus na tagpadaya ni Father God sa lupa gikan sa kalangitan.

Mahimo kaha nato na pangajuon kan Lord Jesus na abrihan Nija an ato mga mata para hikit’an nato an Ija pagkamarajaw sanan an Ija saving word para dato?

Ipangaliya nato kan Lord Jesus na gamiton unta kita Nija na instrumento para makatabang kita sa ato isigkatawo para hikit’an ‘sab nila an Ija healing light sanan an Ija saving power na ato hingkit’an.

Isa Pa Ka Pamalandong:

Kon waya sija iakay nan ija mga higaya, dili gajud igkahibalag nan buta an tawo na makapabalik nan ija panan’aw.

Sa pagtambay ‘sab ni Jesus sa buta, indaya ini Nija sa lugar na dili kaobserbahan nan mga amuyong sanan mga tawo na nagduha-duha pagtuo Dija.

Matuod man, nakakita na pagdajaw an buta pagkatapos tambaja ni Jesus.

Pero uno man kaha na tagpa-deretso man ni Jesus an tawo pagpauli sa ila bayay pagkatapos Nija mahipabalik an panan’aw nan ini na tawo?

Sa tan’aw nako, Ija tagpa-deresto pagpauli dajon an tawo sa ila para dili na ini makasandurot nan mga tawo na may mga madugyom an espiritwal na mga kunabuhi.